Rama mangumusta sa CCPO
CEBU, Philippines- Makigkita si Mayor Michael Rama kang Cebu City Police Office Director, Senior Supt. Noli Romana human napupos na ang tulo ka buwan nga tagal sa kapolisan nga magpadaut aron abtik pagtubag sa alarma.
Apan giklaro sa mayor nga ang iyang direktiba nga “to shape up or be shipped out” sa kapolisan niadtong Mayo gituyo niya human makadawat og taho nga mitaas ang krimen sa dakbayan.
Matud ni Rama nga gihatagan niya og unom ka buwan ang kapolisan sa pagpagamay sa tiyan sama sa mga traffic enforcers ug mga kawani sa City Hall.
Malipayon si Rama sa sunod-sunod nga malampusong operasyon sa kapolisan ilabi na sa pagpanakop og dinagkong transaksyon sa ilegal nga drugas. Gidayeg niya ang kapolisan tungod niini apan dugang niya nga mas mo-alerto pa ang kapolisan kon “physically fit.”
Matud sa mayor nga dili lang sa kalawasan iyang gimando apan lakip na ang paghuna-huna, intelektwal ug ang karakter sa kapolisan. - /GMR) (BANAT NEWS)
- Latest
