Numero sa emergency service usahon
CEBU, Philippines- Mga emergency response groups gikatakdang ipatawag sa ipahigayong executive session sa konseho sa dakbayan sa Sugbo karong Oktubre 8, 2014 aron makuhaan sa ilang habig sa plano nga usahon ang emergency numbers.
Ang mga grupo nga ipatawag mao ang Department of Interior and Local Government (DILG), Cebu City Disaster Risk Reduction and Management Council (CCDRRMC), Philippine Red Cross sa Cebu City, Central Visayas Search and Rescue, Inc., Central Command-Armed Forces of the Philippines, Bureau of Fire Protection-7, Basak Pardo Emergency Respond (BPER), Labangon Emergency Response Team, Emergency Unit Foundation ug uban pang susamang grupo.
Si Konsehal Nestor Archival nagkanayon nga dunay mga emerhensiya nga nagkinahanglan og rescue operation ug medical attention.
Ang Executive Order No. 226 niadtong Hulyo 14, 2003 nag-institutionalized kini sa Patrol 117 isip national emergency hotline number sa Pilipinas ug gidumala kini karon sa DILG.
Apan ang coverage sa Patrol 117 limitado kay ang matag lokalidad dunay kaugalingong emergency numbers.
Matud ni Archival nga gikinahanglan ang pag-unify sa emergency numbers ug himuon usab kining accessible sa mga mobile phone users aron mahimo kining epektibo kon dunay katalagman ug emerhensiya.
Dugang ni Archival nga kinahanglang madungog usab ang habig sa nagkalain-laing organisasyon ug stakeholders nga naglambigit sa disaster response, emergency rescue, police response ug uban pang samang organisasyon. - /EIM) (BANAT NEWS)
- Latest
