NFA rice gi-display na sa mga retail outlets
CEBU, Philippines - Nag-display na og bugas sa National Food Authority (NFA) ang mga retail outlets sa merkado publiko sa dakbayan sa Mandaue.
Matud ni Musoline Suliva, market administrator, nga ang NFA rice mapalit na sa katawhan nga nangita og baratong presyo nga mapalit sa tag P27 ang matag kilo alang sa ordinaryong klase ug P32 sa de kalidad nga klase.
Ang NFA rice mao usab ang gipangita sa mga mamuhat og poso tungod kay maka-minus sila itandi sa commercial rice nga tag P45 ang matag kilo.
Si Lucy Rosales, tigpamaba sa NFA-7, miingon nga higpit nilang gipahimangnoan ang ilang accredited rice retailers sa pag-display gyud sa ilang bugas dihang gihimo nila ang monitoring sa kamerkaduhan.
Dugang pa niya nga ang Central ug Eastern Visayas adunay igong pondong NFA rice tungod kay duha ka mga barko gikan sa Vietnam nga puno sa kargang bugas ang midunggo sa pantalan sa Sugbo. (BANAT NEWS)
- Latest
