Lalaki nakuhaa’g mga armas, bala
CEBU, Philippines- Usa ka lalaki ang gisikop sa mga operatiba sa Regional Criminal Investigation Detection Unit (7RCIDU) ug nakuhaan og mga armas ug mga bala kagahapon sa buntag sa Durano Street, Suba, Danao City.
Armado sa search warrant ang mga sakop sa 7RCIDU nga miabante sa maong lugar ubos sa pagpangulo ni Supt. Fermin Armendarez III, nga giisyu ni Regional Trial Court (RTC) Judge Soliver Peras sa Branch 10 ning dakbayan sa Sugbo. Target sa mga operatiba si Ventorado Gutual Dagwan nga nagpuyo sa maong lugar.
Wala na’y nahimo pa si Dagwan human nga dali nga nakaplastar ang mga operatiba ug wala na gayud kini nakasibat.
Nakuha sa kapulisan gikan sa sulod sa panimalay ni Dagwan ang usa ka .38 caliber revolver, usa ka .45 caliber pistol, duha ka magazine sa caliber pistol, 12 ka bala sa .38 revolver ug duha ka speed loaders sa .38 revolver.
Gitanggong na sa karsel sa 7RCIDU ang dinakpan nga mag- atubang og kaso sa paghupot og ilegal nga armas. - /EIM) (BANAT NEWS)
- Latest
