Mga kahoy sa eskwelahan ipaputol
CEBU, Philippines - Ipaputol usab sa Department of Education ang mga karaan na kaayong mga kahoy sulod sa mga tunghaan sa tibuok Central Visayas aron masiguro nga walay mga tinun-an nga matumbahan.
Si DepEd-7 Regional Director Carmelita Dulangon miingon nga nipagawas na siya og kamandoan ngadto sa mga division school superintendents sa DepEd Central Visayas alang sa paglukat og tree cutting permit sa DENR.
Niasoy si Dulangon nga nakasugat na siya og insidente niadtong siya pa ang division school superintendent sa Talisay nga may duha ka bata ang na-ospital human madat-ogi sa dakong sanga sa punoan sa kahoy nga natumba tungod sa kagabok na.
Nagkanayon si Dulangon nga dili siya buot nga masubli pa ang nahitabo sa duha ka tinun-an sa Talisay ngadto sa mga tinun-an sa ubang tunghaan sa Central Visayas. (BANAT NEWS)
- Latest
