Taga Cebu ‘dungan og kaon sa Santo Papa
CEBU, Philippines - Gi-anunsyo ni Archbishop John Du nga adunay lima ka indibidwal gikan sa Northern Cebu nga nabiktima sa Yolanda ug lima ka indibidwal nga grabeng nabiktima sa linog sa Bohol mahatagan og kahigayonang makadungan og kaon si Pope Francis sunod tuig.
Matud ni Du, traynta ra ka mga tawo ang ilang gipili nga makadungan ang Holy Father sa pagkaon dungan sa pagbisita niini sa Tacloban, Leyte nga labing nagusbat sa bagyong Yolanda sa miaging tuig. Ang Archdiocese of Palo ang mopili sa maong mga indibidwal nga makadungan sa Santo Papa ug usa sa ilang kwalipikasyon. Ang “meal with the poor” mahitabo sa balay mismo ni Du.
Sigon ni Du nga pinaspasay ang ilang pagpangandam sa pagbisita sa Santo Papa karong Enero 17 gikan sa alas-10 sa buntag hangtud sa alas kwatro sa hapon. Ang gusto sa Santo Papa bisitahon ang mga pobreng tawo nga nagrabehan sa pagkusokuso sa bagyo. Mihangyo si Du nga walay mga politiko ug mga iladong pamilya mogamit sa ilang impluwensya aron makapaduol sa Santo Papa.
Usa ka Santos nga Misa ang i-selebrar ni Pope Francis diha saTacloban City airport ug iyang benditahan ang Home for the Orphanage, Home for the Elderly and the Clinic alang sa mga kabus. Wala pay impormasyon kon makabisita ang Santo Papa sa Sugbo nga magselebrar og Pista ni Senyor Santo Niño. Ang Santo Papa mobisita karong January 15 – 19, 2015. (BANAT NEWS)
- Latest
