Namuyo sa Warwick papahawaon na
CEBU, Philippines - Gipadayag ni Cebu City Administrator, Dr. Lucille Mercado, nga tun-an gyud nila og tarung ang plano nga pagpahigayon og clearing operations sa block 27 nga maoy nahimong temporaryong pinuy-anan sa mga nasunugan sa Warwick Barracks.
Gitataw hinuon ni Mercado nga gumikan sa isyu nga giingong gihimo na nga drug den ang maong lugar human nangronda ang kapolisan, duna’y posibilidad nga mas mapadali ang clearing operation.
Ang pagpuyo sa mga residente sa Warwick Barracks sa Block 27 temporaryo lang ug giplanohan gyud sa siyudad nga ibalhin sila og laing relocation site.
Nasayran nga ang konseho sa siyudad mipagawas og resolusyon nga lugwayan ang pagpuyo sa mga miokupar sa lugar.
Apan gumikan sa isyu sa drug den mapugos ang siyudad nga dalion ang paglimpyo sa lugar.
Gihulagway ni Mercado nga kun tinuod man ang maong report dili kini maayo tungod kay ang maong lugar gitagana aron kapuy-an ug dili aron himoong suyupanan. (/GMR)(BANAT NEWS)
- Latest
