Centcom may bag-ong kumander
CEBU, Philippines - Ni-asumer na sa pwesto ang bag-ong kumander sa Central Command human sa pormal nga turn over ceremony kagahapon.
Si Major Gen. Nicanor Vivar maoy nipuli ni Lt. Gen. John Bonafos nga gitudlo na isip bag-ong Vice Chief of Staff sa Armed Forces of the Philippines (AFP).
Gikan nagsilbi isip kumander sa Philippine Air Force (PAF) 3rd Air Division si Vivar nga nakabase sa Edwin Andrews Air Base (EAAB) sa Zamboanga City ug kanhi nangulo sa 205th Tactical Helicopter Wing, 100th Training Wing, ug 5th Fighter Wing.
Si Vivar nagpasalamat sa higayun nga gihatag alang sa maong pwesto ug nipasalig nga iyang himoon ang tanan niyang mahimo aron mapadayon ang mga maayong nabuhat ni Bonafos.
Si Vivar lumad nga taga Hagonoy, Bulacan ug gradwado sa Philippine Military Academy (PMA) “Class Sandigan” niadtong tuig 1982.
Nahuman ni Vivar ang kurso sa Air Command ug Staff Courses sa Alabama, USA ug sa Australia. (/GMR)(BANAT NEWS)
- Latest
