Suspek sa kawat sa mall gitugyan sa DSWD

CEBU, Philippines - Gitugyan na ngadto sa Mandaue City Social Welfare and Development (CSWD) ang usa ka 16-anyos nga dalaga nga gidakpang nangawat og senina sa usa ka mall.

Matud ni Milagros Cabahug, social worker, nga gihimoan na nila og psycho-social intervention aron makatabang nga makalimtan ang bati nga kasinatian ug binuhatan.

Niadtong Martes nagkita ang 16-anyos ug ang reklamante aron i-settle ang problema apan giingong wala gihapon kini makabayad sa gikuhang senina nga nagkantidad og P10 mil hinungdan nga gidala kini sa Subangdaku Police Station. Si Senior Insp. Miguel Andeza, hepe sa Subangdaku PS, miingon nga human niya masayri wala ma-blotter ang insidente, iya dayong gipa-esplikar ang iyang mga sakop.

Nanalipod usab si Andeza labot sa report nga migawas nga giingong nagpa-selfie pa ang iyang mga sakop sa batan-on nga giingong maanyag. Ang desk officer niadtong tungura nga si PO3 Allain Carado mitataw nga ang pagkuha og selfie ngadto sa dalagita duna’y tumong ug aron makakuha og picture sa menor aron dunay ika-pakita kun may lain pang moreklamo. (BANAT NEWS)