Maguwang giluba sa manghod

CEBU, Philippines- Grabeng naangol ang usa ka maguwang nga lalaki nga nadunggaban sa iyang manghod  sa ilang panag-away sa sulod sa ilang balay alas-8 pasado ang takna  sa miaging Sabado sa gabii sa Sitio Santa Cruz, Barangay Guizo, Dakbayan sa Mandaue.

Si  PO3 Marino Lufranco, imbestigador sa kapolisan sa Presinto 1 sa Mandaue City Police Office (MCPO) miila sa biktima nga mao si Jenifer Pinote, 33 ug ang manghod nga nagdunggab mao si Dondino Pinote, 23,  pulos ulitawo ug nagpuyo sa maong dapit.

Matud pa ni PO3 Lufranco nga nag-away ang suspetsado ug ang kapuyo niining babaye mao nga gibadlong kini sa maguwang, apan nasuko kini hinungdan nga sila maoy naglalis ug misangpot sa pagpanunggab. Ang biktima gidala sa Vicente Sotto Memorial Medical Center tungod sa samad dinunggaban sa tuong kilid samtang nadakpan ang suspek. -  /EIM) (BANAT NEWS)