Namusil sa Sibonga wa pa mailhi

CEBU, Philippines-Padayon pang gipangita sa kapolisan ang nipusil patay sa usa ka lalaki atubangan sa iyang asawa sa Lower Manatad, Sibonga niadtong nakalabay nga adlaw.

Matud ni SPO1 Antonio Sanchez sa Sibonga Police Station nga nagpadayon pa sila sa pagpangita og dugang impormasyon kalabot sa maong panghitabo.

Ang biktima nailhan nga si Nigel Potestas, 38, taga Can-aga, Sibonga. Ang asawa sa biktima kinsa diha atol sa pagpamusil wala makaila sa mamumuno kinsa giingong nagtabon og senina sa iyang nawong ug daling nisibat human sa pagpamusil.

Usa ka Basilio Sordilla Jr. ang nakasumbong sa kapolisan labot sa maong insidente.

Erratum

Ang pangan nga Basilio Sordilla Jr. sa balita nga “Lalaki Gipusil Patay Atubangan sa Asawa” nga napatik kagahapon, Agosto  11, 2014 sa pahina 3 sa Banat News dili mao ang suspek. Ang sakto mao nga siya ang nakapahibawo sa kapolisan sa insidente. Amo kining sayop ug kami mangayo og pasaylo kang Basilio Sordilla Jr., sa iyang pamilya ug mga kaila. - /GMR) (BANAT NEWS)