Merkado sa Minglanilla gibalhin na
CEBU, Philippines- Napugos sa pagbalhin sa bag-ong merkado sa lungsod sa Minglanilla ang mga manindahay human nakita nga wala sila’y mahimo kun magmagahi sa pagbiya sa karaang merkado. Sayo niini nahimong tensiyonado ang pagpabalhin sa mga manindahay human ang mga sakop sa Minglanilla Public Market Vendors Multi-Purpose Cooperative nagdumili sa pagbalhin sa rason nga layo ug mahal ang abangan.
Kagahapon ang karaang merkado namingaw na ug gilimpiyohan na lakip ang karsada nga kaniadto dili na maagian og motorsiklo.
Ang presidente sa kahugpungan, Sherbie delos Reyes, mibutyag nga napugos sila sa pagbalhin human naapektohan na usab ang ilang pagpaninda nga maoy ilang panginabuhian.
Gipasalig hinuon ni delos Reyes nga magpabilin ang ilang pagkwestiyon sa katukuran sa bag-ong merkado nga gihulagway nga anomaloso.
Karon nga nahawanan na ang karaang merkado, plano sa lokal nga kagamhanan nga tukuran kini og kolehiyo. - /GMR) (BANAT NEWS)
- Latest
