Asawa ug kabit gipadakop
CEBU, Philippines - Gipadakop sa usa ka bana ang iyang asawa human nasakpan nga duna’y laing lalaki nga gikapuyo sa lungsod sa Barili kagahapon sa buntag.
Matud ni PO2 Pablito Caadlawon sa Barili Police Station nga nagpakitabang sa ilang buhatan ang usa ka 47-anyos nga bana gumikan sa gibuhat sa iyang 32-anyos nga asawa nga wala na miuli sa ilang balay sa dakbayan sa Lapu-Lapu.
Sumala pa ni Caadlawon nga dugay na nagpaniid ang bana sa gibuhat sa iyang asawa hangtud natultolan nga may gikapuyo sa maong lungsod.
Sa abag sa kapolisan, nasakpan ang asawa nga may laing lalaki nga gikauban sulod sa usa ka balay.
Gumikan sa kalooy sa bana iyang gipasaylo nalang ang asawa ug ang lalaki aron may maka-atiman sa mga bata.
Gihulagway ni Caadlawon nga boutan nga pagkabana ang reklamante butang nga gikalibogan sa polis kun nganong gibiyaan sa asawa. Paabuton karong adlawa kung modayon ba o dili ang bana sa pagsang-at og kasong adultery ug concubinage batok sa asawa ug sa lalaki kinsa kasamtangang gibalhug sa Barili Police Station. (BANAT NEWS)
- Latest
