Sinkhole sa Sta. Fe susihon sa taga Manila

CEBU, Philippines - Moabot karong Biyernes ang grupo gikan sa Manila nga mosusi sa mga sinkholes sa barangay Langub, Kinatarcan, Santa Fe, isla sa Bantayan.

Ang Provincial Disaster Risk Reduction Management Office inubanan sa buhatan ni Gobernador Hilario Davide III nakig-alayon sa mga nasudnong ahensiya sa pagsusi sa mga sinkholes.

Matud ni Baltazar Tribunalo, pangulo sa PDRRMO, nga may gibutang na sila nga timailhan sa parte sa sinkhole aron mahibaw-an kung mosibog o mas modaku pa ang maong sinkhole sa barangay Langub.

Adunay permanenteng barangay tanod ang mobantay alang sa posibleng paglihok sa yuta ilabi na sa panahon sa ting-uwan. Ang mga residente nibalhin na samtang ang uban namalik na sa lugar.

Gimandoan ang mga residente nga kung kusog ang pagbunok sa uwan, boluntaryo na lang nga mobakwit. (BANAT NEWS)