Street crimes sa Cebu City mikunhod
CEBU, Philippines - Duna’y daku nga pag us-os sa gidaghanon sa mga krimen dinhi sa dakbayan sa Sugbo ilabi na sa “street crimes” base sa rekord gikan sa buhatan sa Investigation Detection and Management Branch (IDMB) sa Cebu City Police Office (CCPO), gikan sa bulan sa Hunyo ug Hulyo ning tuiga.
Si Senior Superintendent Noli Romana ang hepe sa Cebu City Police Office nagkanayon, miubos ang steet crimes sa dakbayan apan misaka ang kaso sa aksidente sa trapiko.
Sa bulan sa Hunyo, dunay 968 ka mga kaso ang natala sa Sugbo ug 23 niini aksidente sa trapiko, samtang sa bulan sa Hulyo 1,081 ka kaso ang natala diin duna sa’y 153 ka kaso sa traffic accident ang natala sa kapulisan.
Sa rehiyon 7, mikunhod sa 25 porsiyento ang street crimes butang nga gipasalamatan sa kapulisan.
Sumala pa ni Romana nga ang centralized deployment sa kapulisan gikan nga ideya ni Senior Superintendent Conrad Capa ang deputy sa Police Regional Office (PRO-7) epektibo kaayo nga pamaagi sa pagsumpo sa krimen dinhi sa Sugbo ug sa rehiyon. Samtang giplanohan karon sa hepe sa CCPO nga mas pahugtan pa ug mohimo og daghang random checkpoints human sa sagunson nga pagpamusil sa nakalabay nga adlaw.
Niadtong nakalabay nga adlaw, tulo ang patay sa tulo ‘sab ka managlahing pagpamusil nga migintang lang og pipila ka minutos. (BANAT NEWS)
- Latest
