Seguridad sa MCIA gipahugtan

CEBU, Philippines - Gipahugtan karon ang seguridad sa tugpahanan diha sa Mactan-Cebu International Airport (MCIA) human sa migawas nga pamahayag ni Senador Antonio Trillanes nga may nadawat kining impormasyon nga dunay mga retiradong heneral ang nagplanong molusad og destabilisasyon batok sa gobiyernong Aquino.

Ang hepe sa Philippine National Police for Center of Aviation Security (PCAS) sa  MCIA nga si Senior Superintendent Constantino Barot Jr. mibutyag nga di sila mokumpiyansa.

Matud pa ni Barot nga vital installation ang airport maong kinahanglang pahugtan ang seguridad niini bisan wala pay klaro ang mga balita bahin sa destabilisasyon.

Base sa mga nanggawas nga report, dia sa Sugbo ang mga retiradong heneral nga nagplano sa kagubot ug nang-recruit og mga aktibong sundalo, apan kini kusganong gihimakak  ni Lt. Gen. John Bonafos ang pangulo sa Central Command (CENTCOM). (BANAT NEWS)