14-Anyos nga kapuyo sa pusher giluwas
CEBU, Philippines - Nasikop sa kapulisan sa Subangdaku Police Station ang usa ka lalaki nga giingong tigpayuhot og ginadiling drugas ug naluwas usab ang iyang 14-anyos nga kapuyo diha sa Sitio Aroma, Barangay Subangdaku sa siyudad sa Mandaue kagahapon sa buntag.
Ang dinakpan nga si Bernon Cero, 33, taga Bantigue, Isabel, Leyte nasikop pinasikad sa search warrant nga giisyu ni Judge Teresita Galanida sa Regional Trial Court Branch 56.
Gibutyag sa hepe sa Subangdaku police station nga si Senior Inspector Miguel Andeza miingon nga gawas sa pagkasikop sa suspek naluwas nila ang 14-anyos nga menor de edad nga giingong gipuyopuyo sa suspek. Ang 14-anyos ilaha nang gi-turnover sa Department of Social Welfare and Development aron ipaubos sa rehabilitasyon.
Ang suspek miangkong iyang kaipon ang menor de edad.
Nakuha gikan sa suspek ang duha ka dagko ug duha ka gagmay’ng paketeng shabu ug drug paraphernalia. (BANAT NEWS)
- Latest
