DOH nihatag na og permit pagpatukod sa CCMC
CEBU, Philippines- Nihatag na og permit ang Department of Health sa pagpatukod pagbalik sa Cebu City Medical Center.
Ang permit giaprobahan sa DOH sa niagi pang semana apan bag-o lang nadawat sa kagamhanan sa dakbayan sa Sugbo.
Gikatakda nga sugdan ang pagtukod sa bag-ong CCMC karong Septiyembre human sa public bidding.
Gipasalig ni acting Mayor Edgardo Labella nga mag-agi sa saktong proseso ang tanang transaksiyon sa pagpatukod sa CCMC.
Nakakolekta na ang kagamhanan sa dakbayan og mokabat P16 milyones sa “Piso Mo Hospital Mo” project.
Ang “Walk For CCMC” usab nga gipahigayon niadtong Sabado nakakolekta og P500 mil ug gipaabot ang laing hugna sa samang kalihukan sunod buwan.
Si Mayor Mike Rama kinsa tua sa gawas sa nasud miingon kang Labella nga nakakolekta na siya og $500 mil alang sa CCMC.
Nagpaabot ang kagamhanan og dugang donasyon alang sa CCMC. - /GMR) (BANAT NEWS)
- Latest
