14 ka polis sa MCPO gipasidunggan

CEBU, Philippines - Gipasidunggan ni Police Regional Office-7 Director, Chief Supt. Prudencio Tom Bañas, ang 14 ka polis sa Mandaue City Police Office (MCPO) tungod sa pagkasakmit sa shabu nga nagkantidad og P1.4 milyones, mga armas ug pagkasikop sa walo ka mga pushers.

Medalya ng Kagalingan ang gisab-ong ni Bañas ngadto sa hingtungdang kapolisan atol sa unang higayon niyang pagbisita sa MCPO Headquarter ubos sa pagdumala ni Sr. Supt. Petronelli Baldebrin.

 Ang gipasidunggan mao sila si Supt. Crisaleo Tolentino, Deputy City Director for Operation sa (MCPO); Chief Insp. Bernouli Abalos; Chief Insp. Jimmy Aguisanda, hepe sa Presinto 1; Senior Insp. Jimmy Portes, hepe sa Intelligence Detection and Management Bureau; Senior Insp. Miguel Andeza, hepe sa Presinto 2; Senior Insp. Romel Luga, hepe sa Presinto 6; Insp. Zenaido Sanchez, hepe sa Theft and Robbery Section (TRS).

Laing gipasidunggan sila si SPO3 Ramil Villaluz, SPO3 Natalio Mercader, SPO2 Dindo Montesclaros, SPO1 Tirso Plania, PO3 Renato Inot, P02 Ariel Gingco ug PO3 Julius Tradio.

Kahinumduman nga niadtong Hulyo 2 ang team sa kapolisan sa MCPO nagpahigayun og hiniusang pagpangronda sa mga panimalay sa mga suspetsadong drug pushers sa barangay Guizo, Mantuyong, Subangdaku ug Casili. Nadakpan ang walo ka mga suspetsado ug nasakmit usab ang P1.4 milyones nga kantidad sa shabu, upat ka nagkadaiyang kalibre sa armas, 0.05 gramos nga marijuana ug shabu paraphernalia.

Ang mga nadakpan mao sila si Roberto Abanid, Niño Castañeda, Marwin Opura Jr., Darwin Cortes, Joseph Escoton, Jackquie Villarta, Edgar Castro, Ulyn Ceniza ug ang usa sa mga suspetsado nga si Leslie Ceniza nga naka-eskapo apan nalakip usab kini sa gipasakaan og kaso. (BANAT NEWS)