‘Bnoy’ tandem ?
CEBU, Philippines - Si Cebu City Mayor Michael Rama misugyot sa “BNoy” tandem karong umaabot nga 2016 Elections—Bise Presidente Jejomar Binay sa pagkapangulo ug Presidente Benigno “PNoy” Aquino III sa pagkabise presidente.
“Binay for President (ug) Aquino for Vice President. What will stop that kind of a combination and I am very serious about it,” matud ni Rama. Ang duha naggikan sa lain-laing partido, si Binay gikan sa United Nationalist Alliance (UNA) samtang si Aquino gikan sa Liberal Party (LP).
Apan matud ni Rama, bisag dili sila pareho og partido managhigala ang duha ug alang niya dili kinahanglan basehan ang partido
“We will not end up having tug of wars but rather all agencies will be there complementing, supplementing, collaborating,” miingon si Rama.
Matud niya nindot nga pareson ang duha tungod kay si Aquino nakapalambo sa ekonomiya sa nasud ug samtang maayong modala sa politika si Binay.
“In view of the fact that who will question the economic gains that PNoy (Aquino) had been able to put the country up. Politika that’s another question, but politics, Binay he is a master of politics. He won as vice president so it must be the political genius in him,” matud ni Rama.
Dunay mga nangutana kun dili ba lain paminawon nga moubos ang posisyon ni Aquino, matud ni Rama dunay mga presidente nga niubos sab ang posisyon. Kini sama ni kanhi presidente Joseph Estrada nga karon usa na ka mayor sa Manila.
“For political consideration what is good for the country, remember (si kanhi) Gloria Macapagal Arroyo made herself available as congresswoman , then Estrada after being president he made himself available as mayor so why you will stop a young man (Aquino),” dugang ni Rama. (BANAT NEWS)
- Latest
