Travel records sa Aussie “extremist” gisubay
CEBU, Philippines - Ang Police Regional Office (PRO)-7 ug ang Bureau of Immigration and Deportation (BID) motan-aw sa travel records sa Australian international “Jihad” preacher nga si Robert Edward “Musa” Cerantonio.
Si Cerantonio gidakop sa Lapu-Lapu City human gikanselar sa iyang nasud ang matud pa walay balido nga dokumento.
Sumala pa ni Senior Superintendent Conrad Capa, deputy regional director for operations, ang tanang ebidensiya nga ilang nakuha anaa karon sa kustodiya sa BID.
Dugang ni Capa nga tan-awon pa usab nila kung giunsa ug asa miagi si Cerantonio pagsulod niini sa nasud.
“May nakuha kaming passport at ibang documents na nasa immigration ngayon,” matud ni Capa kinsa midugang nga nag-inusara lang kini nga miabot sa nasud.
Si Cerantonio nagpuyo sa usa ka apartment sa Barangay Pajac, Lapu-Lapu City sulod sa duha ka semana sa wala pa masikop.
Giimbestigar usab sa kapolisan ang babayeng kauban ni Cerantonio nga si Joan Montayre kinsa gitanggong karon sa Police Station 2 sa Mandaue City.
“Marami kasi siyang alam kasi siya ‘yung kasama ng suspek at siya rin ‘yung tagabili ng gamit nila while the suspect is inside the apartment,” matud ni Capa.
Matud sa kapulisan nga walay record o ebidensiya nga nagtudlo kang Cerantonio nga aduna kini terroristic activities pagklaro ni PRO-7 Director, Chief Supt. Prudencio “Tom” Bañas.
Ang Australian Federal Police ug ang raiding team nga gilangkuban sa Special Weapons and Tactics (SWAT) sa Lapu-Lapu ug Cebu City, Regional Intelligence Division (RID), Regional Intelligence Unit (RIU) ug ubang police units maoy miaresto kang Cerantonio. (BANAT NEWS)
- Latest
