Disaster Summit

CEBU, Philippines - Ang Office of Civil Defense (OCD-7) mopahigayon og Disaster Risk Reduction and Management (DRRM) Summit dinhi sa mga probinsya sa Central Visayas sulod niining bulan sa Hulyo.

Kini maoy nag-unang kalihukan sa OCD sa pagsaulog sa National Disaster Consciousness Month karong buwana uban ang abag sa Regional Disaster Risk- Reduction and Management Council.

Si OCD-7 regional director Olivia Luces miingon nga ang Provincial DRRM Summits gisugdan na sa lalawigan sa Bohol niadtong Hulyo 3-4, ug sundan kini sa Negros Oriental Provincial Summit karong Hulyo 10-11, sa Sugbo ipahigayon sa Hulyo 21-22 ug sa Siquijor sa Hulyo 24-25 ning tuiga. Gipaabot nga  motambong sa DRRM Summits mao ang mga local disaster risk reduction and management officers, planning officers, mga mayors, information officers, first responder ug uban pa.

Katuyuan sa maong kalihukan mao nga dili sila makalimot sa ilang katungdanan sa disaster preparedness ug pag-umol og mga pamaagi aron malikayan ang  kadaut sa mga natural calamities. -/RUB (BANAT NEWS)