Taga OPRRA nagpatabang sa Kapitolyo
CEBU, Philippines - Nagpatabang sa Kapitolyo ang usa ka residente nga apektado sa gisirad-ang dalan sa OPRRA Village, Kalunasan, dakbayan sa Sugbo nga si Engr. Antonio Canoy. Gisumbong ni Canoy sa buhatan ni Gob. Hilario Davide III ang pag-angkon sa Old Philippine Railway and Residents Association (OPRRA) sa yuta nga iya sa Kapitolyo.
Gisumbong na usab ni Canoy ngadto sa kapolisan ang pagsirado sa ilang agianan ug gikuha ang giali apan gibalik ra gihapon sa mga opisyal sa OPRRA.
Si Canoy wala moderetso sa korte alang sa pagpasaka og kaso batok sa asosasyon gumikan kay ang yuta iya man sa Probinsya sa Sugbo.
Matud ni Canoy nga angayang pasakahan og syndicated estafa ang grupo gumikan sa pag-angkon sa luna.
Si Canoy gikatakdang mobalik sa buhatan ni Davide sanglit wala sila magka-abot kagahapon. (BANAT NEWS)
- Latest
