Kapitolyo patabangon batok dredging sa Mananga
CEBU, Philippines - Magpatabang sa Kapitolyo ang kagamhanan sa dakbayan sa Talisay sa pagpahunong sa pangubkob sa bas ug graba sa sapa sa Mananga.
Si Konsehal Antonio Bacaltos Jr., chairman sa committee on environment sa konseho sa dakbayan, nagkanayon nga base sa records wala’y na-isyu nga dredging o excavation permit ang lokal nga kagamhanan ug wala’y na-aprobahan ang konseho kabahin sa dredging diha sa sapa sa Mananga.
Matud ni Bacaltos sa iyang privilege speech atol sa sesyon kagahapon nga ang maong proyekto sa Department of Public Works and Highways ug sa pribadong kompaniya ilegal.
Gikataho nga ang DPWH mi-hire og kompaniya nga mangubkob diha sa sapa.
Nunot niini, si Bise Mayor Romeo Villarante nagkanayon nga sa labing daling panahon makigkita siya kang Gob. Hilario Davide III aron mapahibawo kabahin sa dredging sa Mananga.
Matud ni Villarante nga wala’y pagtugot sa konseho sa siyudad ang maong pagpangubkob sa Mananga.
“What is the authority of the DPWH to conduct a dredging in the area? Until now, not a single resolution approving the activity. That is a question on the legality,” ni Villarante pa. – /GMR (BANAT NEWS)
- Latest
