Salinas drive kabutangan na og aseras

CEBU, Philippines - Ang kadagkoan sa Technical Education Skills and Development Authority (TESDA) miuyon na nga isibog ang koral sa ilang compound dapit sa Salinas Drive aron kabutangan og sidewalk ang mao nga  dapit.

Si Cebu City Attorney Jerone Castillo mitug-an nga nagkahinabi sila ug ang kadagkoan sa Department of Public Works and Highways (DPWH) ug gipahibalo sila sa mao nga kalamboan.

Ang mga opisyal sa DPWH ug TESDA nagtagbo pipila ka adlaw na ang milabay aron nga ang kilid sa ilang compound mahimoan og aseras nga ang mga tawo anha makaagi.

Apan sa paghimo sa aseras kinahanglan nga gub-on ang semento nga koral sa TESDA ug isibog. Ang atbang nga bahin sa Salinas Drive aduna na’y sidewalk nga gihimo sa DPWH. (BANAT NEWS)