Minor nagmotor nga way helmet patay

CEBU, Philippines - Usa ka minor ang patay ug upat ang naangol sa duha ka managlahing aksidente sa kadalanan sa probinsya sa Sugbo sa nakalabay nga adlaw.

Una nga aksidente nahitabo sa lungsod sa Moalboal, diin duha ka motorsiklo ang nagbangga, diin usa ang ka Julito Nogueras,15, ang patay ug kritikal ang usa ka Rommel Indrina. Ang aksidente nahitabo sa National Road sa Tomonoy, Moalboal. Matud pa ni PO3 Edwin Illut gikan nagpraktis sa choir sa eskuylahan si Nogueras ug padung na uli sa ilaha dihang nagkabangga kang Endrina.

Patay na si Nogueras pag-abot sa Badian District Hospital samtang kritikal si Endrina.Nasayran usab nga way lisensya si Nogueras,wala usab kini magsuot og helmet ug kusog kaayo ang pagpadagan niini sa motor ug mikawat sa agianan ni Endrina. Samtang upat usab ang naangol dihang nagkarambola ang usa ka Ford pickup, Toyota jiffy-type, ug usa ka taksi diha sa National Road, Taytay, Danao City.

Giila ang mga naangol nga sila si Cirilo Sumalinog, 55, minyo, drayber sa Ford pickup, nga taga Marigondon, Lapu-Lapu City, ug duha ka mga kauban niini sulod sa sakyanan nga sila si Romeo Gonzaga ug Maurencio Agravante nga pulos nangapangos ug gidala sa tambalanan. (BANAT NEWS)