Classrooms tukuron sa PAGCOR

CEBU, Philippines - Abagahon sa Philippine Amusement and Gaming Corporation (PAGCOR) ang pagpatukod sa dugang classrooms sa tunghaang elementarya sa Inayawan ug Guadalupe sa dakbayan sa Sugbo.

Gipahigayun kagahapon ang groundbreaking ceremony sa duha ka tunghaan ilhanan nga sugdan na ang pagpatukod sa mga school buildings.

Matud ni Renato Osmeña Jr., manager sa PAGCOR Parkmall Branch, nga tukuron ang upat ka andana nga school building nga aduna’y 20 ka classrooms sa Inayawan Elementary School ug Guadalupe Elementary School.

Nitumaw ang panginahanglan sa duha ka elementary schools og dugang nga classrooms human nisaka ang nagpa-enrol karong tuiga. Ang pagpatukod sa maong school buildings kabahin sa proyekto sa PAGCOR nga gipangulohan ni Cristino Naguiat Jr. (/GMR)(BANAT NEWS)