Gibugno sa kanhi uyab napriso

CEBU, Philippines - Nakatulog gyud sa prisohan ang usa ka lalaki human nakasukmag sa iyang kanhi uyab kinsa misulong kaniya alas 11 pasado sa gabii niadtong Sabado sa Ylaya, Talamban, dakbayan sa Sugbo.

Usa ka Jenebeth Tolebas, 24, dalaga, taga Tintay, Talamban, ang mireklamo batok sa iyang kanhi uyab nga si Erwin Francisco, 24, ulitawo, lumad nga taga lungsod sa Ronda. Matud ni PO1 Wendell Nacario sa Talamban Police Station nga nahinabi sa Banat News nga selos ang hinungdan sa hitabo.  Giingong kalit lang naabot sa gipuy-an ni Francisco si Tolebas dayun bugno hinungdan nga nadapatan sa ulitawo ang kanhi niyang uyab ug midugo ang ilong.

Nagkasinabot ra ang duha ug dili na mopasaka og kaso ang dalaga. (BANAT NEWS)