Age limit sa pangempleyo angay wagtangon—JVR
CEBU, Philippines - Ang kagamhanan sa dakbayan sa Talisay gusto nga wagtangon ang “age limit†o limitasyon sa edad sa mga panawaton nga kawani sa nagkalain-laing establisamento sa siyudad.
Si Mayor Johnny De los Reyes nagkanayon nga dili maayo nga ang dawaton sa trabaho kadto lang nagpanuigon gikan sa 18 ngadto sa 25-anyos.
Matud ni De los Reyes nga ang molapas sa maong edad dili na mahatagan og kahigayonan nga makatrabaho.
Si De los Reyes gikatakdang mopalabang og ordinansa sa pagwagtang sa “age limit requirements†kinsa si Talisay City Legal Officer, Alfredo Sipalay ang iyang gitahasan sa paghan-ay sa ordinansa aron mapalabang kini sa konseho sa siyudad.
Gipasabot sa mayor nga dunay daghang nagpanuigon og 30-anyos pataas nga maayong manarbaho. Nabantayan usab sa mayor nga kadtong mga nagpanuigon og 30-anyos pataas tungod kay dili man kini dawaton og trabaho sa mga kompaniya naa magtapok og pangaplay sa city hall.
Subay niini, si Senador Pia Cayetano sa 16th Congress miduso sa Senate Bill No. 29 kon “Anti-Age Discrimination in Employment Act of 2013†niadtong Hulyo 1, 2013 ug ang maong Senate Bill pending kini sa second reading niadtong Hunyo 9, 2014. (BANAT NEWS)
- Latest
