Wala’y waiver dili mapugos sa drug test Khacel
CEBU, Philippines - Dili mapugos ang mga tinun-an sa pagpa-drug test kung dili mopirma ang mga ginikanan sa waiver.
Kini ang gipadayag ni Konsehal Noel Wenceslao, chairman sa committee on education sa konseho sa Dakbayan sa Sugbo. Gikinahanglan ang waiver sa mga ginikanan tungod kay ang mga tinun-an mga menor de edad pa.Matud ni Wenceslao nga kinahanglan usab nga makig-alayon sa Department of Education sa pagpatuman sa drug test.
Ang drug test gitinguha sa mga tinun-an sa high school aron mahibaw-an kung tinuod ba gyud nga daghan sa mga batan-on ang nahiagum sa ginadiling drugas.
Ang drug test gitinguha usab aron mailhan kinsa sa mga batan-on ang tig- gamitan og ginadiling drugas ug arun usab mahatagan sila og special rehabilitation.
Apan matud ni Wenceslao nga bisan alang kini sa kaayuhan, iyang respetohon ang mga ginikanan nga dili mopirma sa waiver. (/GMR)(BANAT NEWS)
- Latest
