Iho dili gyud ipakaon
CEBU, Philippines - Giawhag sa Bureau of Fisheries and Aquatic Resources ang publiko nga sundon ang balaud may labot sa pagpanagat ug pagpanakop sa mga iho.
Kini nunot sa pagkasakmit sa mga karne sa iho nga “thresher shark†sa Provincial Anti-Illegal Fishing Task Force nga suway untang ipalusot paingon sa dakbayan sa Lapu-Lapu. Matud ni BFAR-7 assistant regional director, Dr. Allan Poquita, nga aduna sila’y nagkalainlaing team nga gitahasan nga mohimo og monitoring. Daku usab ang pasalamat sa BFAR-7 tungod kay ang task force sa probinsiya sa Sugbo aktibo sa ilang kawsa.
Si Poquita midugang nga tulo ka klase sa iho ang gidiling kuhaon sama sa whale shark ug great whale shark ubos sa nasudnong balaud ug ang thresher shark ubos sa ordinansa sa lalawigan sa Sugbo.
Gihulagway sa BFAR-7 nga ang mga sea creatures dunay dakung papel sa atong kalikupan kay sila ang nagdala og balanse sa ecosystem. (BANAT NEWS)
- Latest
