Napatay wa’y labot sa tulis

CEBU, Philippines - Dili makadawat ang kabanay sa napatay nga si Teodorico Tolentino Jr. sa taho nga nalambigit kini sa kasong pagpanulis.

Kini ang hinungdan nga nidangop ang kabanay sa buhatan ni Supt. Romeo Santander sa City Intelligence Branch sa Cebu City Police Office.

Matud ni Razel Labra, ig-agaw sa namatay, nga ilang gikaestorya si Manuel Richard Corominas alyas Pachoy ug miangkon nga naamong lang si Tolentino sa pagpamusil ug dili gyud kini ang ilang target ingon man planted lang nila ang nakuha nga credit card ni Eleanor Rivera sa posisyon sa namatay.

“Dili mi kadawat sa migawas nga balita nga apil siya sa tulis, sakit kaayo sa among kabanay,” matud ni Labra.

Si Santander sa iyang bahin mipasabot nga duna na sila’y affidavit sa usa ka saksi nga motestigos nga wala’y labot si Tolentino sa grupo ni Pachoy.

Andam motabang si Santander sa pamilya ni Tolentino aron maklaro nga wala kini kalabutan sa pagpanulis. (BANAT NEWS)