Jobs fair sa piyesta sa Toledo

CEBU, Philippines -  Ipahigayun ang usa ka jobs fair sa dakbayan sa Toledo karong Hunyo 7 isip tipik sa kalihukan sa piyesta sa lungsod.

Kini ang gibutyag ni Edwin Abad, pangulo sa Human Resource Management Office (HRMO) sa dakbayan sa Toledo.

Ipahigayun sa Barba Sports Complex sa barangay Poblacion ang jobs fair nga  magsugod alas 8 sa buntag.

Gipaabot ang dili moubos sa 12 ngadto sa 25 ka lokal nga kompaniya ang mosalmot aron pagpangita og trabahante.

Ang mga interesadong mo-apply og trabaho giawhag nga magdala sa mga dokumento sama sa resume/biodata, certificate of work experience ug uban pang papeles gamit sa pagpanarbaho.

Ang kalihukan kabahin sa programa ni Toledo City Mayor John Henry “Sonny” Osmeña nga paghatag og trabaho sa liboan ka mga tawo sa dakbayan. (BANAT NEWS)