Mga estudyante sa USC wa pasudla sa mga nagwelga

CEBU, Philippines - Mga estudyante mireklamong wala makasulod sa University of San Carlos, Talamban Campus kagahapon sa buntag human gibabagan sa mga nagwelgang mga kawani nga gitangtang sa trabaho sa maong tunghaan. Apan si Jovelito Contratista ang presidente sa mga kawani sa USC Talamban Campus nga gipangtangtang mibutyag nga wala siya’y kamanduan ngadto na sa iyang mga kauban nga dili pasudlon ang mga estudyante ug mga faculty sa eskuylahan.

Igo ra matud pa nga ilang gihangyo ang mga estudyante ug mga faculty staff nga mouban sa ilang kawsa, apan dili pugsanay.

“Mihangyo ra mi nila nga mosuporta sa amoa, wala man namo sila gipugos,” matud pa ni Contratista nga nahinabi sa Banat News.

Samtang gipahibalo sab ni Senior Inspector Bienvenido Miral sa Talamban Police Station nga dunay duha ka tawo ang nagpa-blotter sa ilang buhatan human sila wala pasudla ang ilang sakyanan.

 â€œMga tigulang na mi Sir, lisod na kaayo ipangita og trabaho, hinaot unta nga magka-estorya g’yud mi nila para sa among hangyo,” dugang padayag ni Contratista.

Samtang sa opisyal nga pahayag gikan sa USC Administration, gipadayag niini ang ilang kasagmuyo sa maong panghitabo ug gihulagway niini nga ilegal ang pagpugong sa mga gustong musulod sa eskwelahan.

 â€œWe emphasize that we respect that the 12 would express their issues, as it is their human right. But again it is not right, in fact it is illegal, for them to prevent the ingress and egress of employees, students and visitors”, sumala pa sa pamahayag sa USC Administration. (BANAT NEWS)