Paghuot sa trapiko nasinati atol sa unang adlaw sa klase
CEBU, Philippines - Nagmalampuson ang unang adlaw sa pagbukas sa klase sa mga tunghaan sa probinsiya sa Sugbo apan adunay nasinati nga kahuot sa trapiko sa Metro Cebu South ug North areas.
Ang mga area supervisors sa traffic monitoring sa kapolisan miangkon nga adunay mga dalan nga naghuot gyud ang trapiko gikan sa alas 7:00 ngadto na sa alas 8:00 sa buntag nga gikonsiderar nga rush hour.
Si Superintendent Renato Malazarte, southern Cebu area supervisor, mibutyag nga mibalik ra usab sa normal ang dagan sa trapiko human sa rush hour.
“Gisulod nako ang mga areas unya normal na man diri sa Naga City and Minglanilla nga known nga huot gyud,†matud ni Malazarte kinsa midugang nga aduna na silay gipreparar nga alternatibong rota kung gikinahanglan.
Kini mao ang barangay road sa Calajo-an nga lapos na ngadto sa Barangay Tungkop.
Sa iyang bahin, si Superintendent Anthony Bagarinao, kinsa maoy supervisor sa northern Cebu area, miingon nga ang lungsod sa Consolacion, Liloan, Compostela, ug Danao City nakasinati usab og kahuot sa dalan apan dali ra kining naremedyuhan sa kapulisan. “Hinay gyud ang dagan sa trapiko unya huot pero nasulbad ra dayon,†matud ni Bagarinao. Ang kapulisan wala pay natala nga mga insidente nga may labot sa pag-abli sa klase. (BANAT NEWS)
- Latest
