Radaza wa nabalaka sa krimen sa syudad
CEBU, Philippines - Wala mabalaka si Lapu-Lapu City Mayor Paz Radaza sa sunod-sunod nga patay nga nahitabo sa dakbayan diin kasagaran nalambigit sa ilegal nga drugas.
Hinoon dili kini maayo alang sa mga turista nga makabasa ug makakita sa krimen sa dakbayan nga usa ka highly urbanized city ug usa ka tourist destination.
Si Radaza kanunay’ng nipahimangno kang Lapu-Lapu City Police Office Director, Senior Supt. Armando Radoc, sa pagmonitor ug pagsikop sa mga responsable sa krimen.
Mapasalamaton si Radaza ngadto ni Radoc sa subsob nga kampanya batok ilegal nga drugas diin bisan ubang dinakpan nakalingkawas sa kaso.
Apan ang mga operatiba sa City Anti Illegal Drugs Special Operation Task Force (CAIDSOTF) padayon gihapon sa ilang operasyon sa pagsumpo sa ilegal nga drugas sa dakbayan sa Lapu-Lapu. (/GMR)(BANAT NEWS)
- Latest
