P40.8M alang sa city scholars sa ACT gibayran na
CEBU, Philippines - Gibayran na sa siyudad sa Sugbo ang Asian College of Technology (ACT) alang sa mga scholars niini nga miabot og P40.8 milyones human nakompleto sa maong tunghaan ang mga papeles nga gikinahanglan sa Local School Board ning dakbayan.
Ang mga scholars sa siyudad naggikan sa mga kabus nga pamilyang nigradwar gikan sa public high schools sa siyudad.
Matud ni Atty. Jose Daluz III chairperson sa Local School Board nga ang kalangay sa mga papeles gikan sa ACT maoy hinungdan maong wala dayon kini bayari sa siyudad.
Mitataw si Ida Yting, chairperson sa Scholarship Committee, gibanabana nga miabot na sa siete mil ka mga scholarship certificates ang gipanghatag sa (ACT) lakip na ang nadawat nga scholars karong umaabot nga abli sa klase.
Kapin sa kinyentos niini ang ihatag usab sa mga nagtungha sa Alternative Learning System (ALS).
Mas gamay karun ang mga mikuha sa maong mga scholarship itandi sa pagsugod gyud niini sa tuig 2010 diin 80 ngadto sa 90 ka porsiyento sa mikuha ang nadawat.
Muabot sa siyam ngadto sa napulo ka libo ka mga estudyante ang target sa siyudad nga libreng mapaeskuyla.
Kini tungod kay dunay mga tunghaan na karun nga gisuportahan sa kagamhanan sa Sugbo nga mohatag na sab og mga scholarships sama sa University of Cebu ug University of Visayas. (/EIM)(BANAT NEWS)
- Latest
