Mga magtutudlo nangayo wage increase
CEBU, Philippines - Ang Alliance of Concerned Teachers (ACT) sa Rehiyon 7 nangayo og usbaw sa suholan matag buwan ug dugang mga benepisyo tungod kay dugay na nga mga katuigan nga wala atimana kini nga yangungo.
Karung umaabot nga Hunyo 2 atol sa pagbukas sa klase, magsuot og itom nga armband ang mga magtutudlo isip usa ka simbolo sa ilang kawsa nga ihatag ang ilang gipangayong usbaw.
Ang bise presidente sa ACT rehiyon nga si Bernabe Sabejon mibutyag nga kung dili hisgutan ni Presidente Benigno Simeon Aquino III sa iyang umaabot nga SONA ang usbaw sa sweldo sa mga magtutudlo, makapaabot kini nga maglusad sila og “mass leave†agi og pagprotesta.
Nanawagan ang ACT union president sa rehiyon nga si Antonia Lim sa tanang magtutudlo nga wala pa makapirma sa petition for accreditation nga mopirma na niini tungod kay kinahanglan nila ang 20 mil ka pirma gikan sa mga magtutudlo sa mao nga rehiyon.
“We appeal to all teachers of different Divisions of DepEd Region 7 to join us in our crusade to organize public school teachers in order for us to have a decent way of living,†matud ni Lim. Samtang si Ernesto Areja, auditor sa ACT-ANS Chapter nabalaka sa kahimtang sa uban nga mga tunghaan tungod kay hapit na ang pagbukas sa klase apan ang uban nga mga tunghaan kuwang gihapon sa mga lawak-saringan. (/EIM)(BANAT NEWS)
- Latest
