Koreano nga pastor nahanaw

CEBU, Philippines - Usa ka Korean Pastor ang gipangita karon human kini wala na igkita gikan sa iyang pagbiya sa panimalay sa Greenwoods Subdivision sa barangay Pulangbato, dakbayan sa Sugbo kaniadtong Biyernes.

Ang missing nga pastor giila nga si Rev. Park Dong-O, 69-anyos ug nag-alagad sa Talamban Christian Church.

Sila si Al Brufal ug Paul Kim, mga kauban’g pastor ni Park, miingon nga ang Koreano milakaw pasado alas nueve sa buntag nga wala magpahibalo ug wala na mauli. Kini maoy hinungdan nga gi-report nila kini ngadto sa kapolisan aron makatabang pagpangita sa Koreano nga pastor.  (BANAT NEWS)