Hunta nipahimangno batok plaster sa baba sa bata
CEBU, Philippines - Gipasusi sa Hunta Probinsiyal sa Sugbo ang mga tambalanan sa lalawigan sa Sugbo aron pagseguro nga wala buhata ang pagpapilit og plaster sa baba sa mahilak nga masuso.
Kini ang tumong sa gipasar nga resolusyon kagahapon nga gipangamahan ni Bokal Arleigh Jay Sitoy.
Ang resolusyon nag-awhag sa Cebu Provincial Police Office, Provincial Social Welfare and Development Office, ug Professional Regulation Commission nga mohimo sa imbestigasyon.
Usa ka buwag nga resolusyon ni Sitoy ang gipasar usab nga nagkondena sa gihimo sa kawani sa Cebu Maternity Puericulture Hospital nga nipapilit og plaster sa baba sa batang bag-ong natawo gumikan sa pagsige og hilak. Giklaro ni Sitoy nga bisan dili ubos sa probinsiya sa Sugbo ang tambalanan apan magsilbi kining pahimangno ngadto sa mga tambalanan sa lalawigan.
Matud ni Sitoy nga dili lang kalapasan sa balaud ang maong buhat, nagpakita usab kini sa sayop nga buhat sa usa ka nurse o doktor.
“It’s just a request to conduct investigation basin nahitabo sa province. Tangtangon ta na ang practice if there is that practice,†dugang ni Sitoy. (BANAT NEWS)
- Latest
