Dunay mga tunghaan nga dili pa andam nga klasehan

CEBU, Philippines - Padayon pa nga giayo ang mga nangaguba nga tunghaan sa mga lungsod didto sa amihanang Sugbo nga grabe’ng naigo sa bagyo’ng Yolanda ug malaumon si Gobernador Hilario Davide III nga mahuman na kini sa dili pa ang pagsugod sa klase.

Gani ang Department of Education (DepEd) mipagahin g’yud dayon og gahin nga salapi aron mapadali ang pag-ayo sa naguba nga mga tunghaan.

Si Davide misugyot nga ang kagamhanan’g probinsyal nangapod-apod usab og hinabang gikan sa Provincial School Board of Ramon Aboitiz Foundation Incorporated (RAFI).

Gitug-anan ni Davide ang kadagkoan sa School Board nga usa sa iyang plano ang pagsusi sa mga tunghaan nga kinahanglan ayuhon gawas sa mga naapektohan sa bagyo’ng Yolanda. (/RUB)(BANAT NEWS)