61 anyos sikop sa kasong sexual abuse

CEBU, Philippines - Nigahin og kapin sa P8 milyones ang Philippine Crop Insurance Corporation (PCIC) alang sa libreng insurance sa mga mananagat ug mag-uuma nga naapektohan sa bagyong Yolanda.

Gitumbok nga lugar ang Bantayan, Sta. Fe, Madridejos, San Remigio, Medellin, Daanbantayan, Tabogon, Tabuelan, Borbon, San Francisco, Pilar, Poro, Tudela, Bogo City, Tuburan ug Sogod.

Ang programa alang niadtong mag-uuma nga adunay dili molapas pito ka ektarya nga gitamnan og mais, humay o tubo, tulo ka sakayan ang mapa-insured sa usa ka mananagat, 500 metro kwadrado sa mga fish pond ug goso, 1,000 ka manok matag poultry ug 5,000 ka broiler.

Ubos sa programa, mahimong makadawat og P2,000 alang sa gastohan sa pagpalubong sa bisan unsang rason sa pagkamatay; P5,000 sa pagpatambal, P20,000 matag usa ka policy holder isip accident insurance.

Gawas sa insurance sa PCIC, ang Kapitolyo may gahin usab nga P8 milyones sa mga mananagat ug mag-uuma nga wala maapektohi sa bagyong Yolanda ubos sa Agri Fishery Insurance Program.

Si Crescencio V. Deligero, regional manager sa PCIC miawhag sa mga mananagat ug mag-uuma nga interesado sa pag-apil sa programa nga mas maayong magpa-insured diha sa ilang pagpugas. (/GMR)(BANAT NEWS)