DTI mo-monitor sa school supplies

CEBU, Philippines - Gipasalig sa Department of Trade and Industry ang lakang nga mapanalipdan ang mga mamalit og mga school supplies sa umaabot abli sa klase.

Matud ni DTI Secretary Gregorio Domingo nga gitutukan nila karon ang pagpahigayon og surprise inspections sa pipila ka mga tindahan.

Sa mga mosunod nga adlaw, aduna usab silay himoong mga “high profile inspection” aron mapaabot sa mga mamalit ug mga namaligya ang mga angay buhaton.

Ang DTI gikatakda nga mopagawas og suggested retail price sa mosunod nga mga adlaw alang sa mga school supplies.

Gitambagan usab sa DTI ang mga mamalit nga kun adunay reklamo o pangutana kalabot sa mga produkto ug monitoring, mahimong motawag sa ilang mga rehiyonal nga buhatan.  (BANAT NEWS)