Kaso sa HIV sa cv miabot na og dul-an 500

CEBU, Philippines - Gipahibawo ni  Boel Espina sa DOH-7 nga sa buwan sa Marso karong tuiga, nahimo nang 498 ang natala nga bag-ong kaso sa Human-immuno virus (HIV) sa ilang buhatan diin 17 porsiyento niini gikan  dinhi sa Central Visayas.

Matud ni Espina nga gikan sa buwan sa Enero hangtud sa Marso ning tuiga anaa na sa 1,432 ang nataptan sa HIV. 

Nasayran nga gikan sa tuig 1984 hangtud ning tuiga kapin na sa 17 mil ang natala sa ahensiya sa mga tawong dunay HIV nga gihulagway nga misaka og trantay singko porsiyento kun itandi sa nakalabay nga  tuig sa susamang period.

Si Dr. Abellardo Alera sa HIV/AIDS Care Team sa Vicente Sotto Memorial Medical Center mibutyag ang pagsaka sa kaso tungod kini kay mas daghan na ang nasayod bahin sa kampanya mahitungod niini ug nagpa-HIV test.

Si Jerson See, executive director sa Cebu Plus miingon nga dili makita sa physical appearance sa tawo kun aduna  kini HIV, importante gyud nga mopaubos sa HIV testing.

Wa usab nila gisalikway nga anaa gyuy diskriminasyon sa mga tawo nga adunay HIV apan iyang giklaro nga ang pagkuha og HIV testing nagpasabot lang nga responsable ang usa ka tawo sa iyang kaugalingon. Dinhi sa siyudad sa Sugbo, si Dr. Ma. Chona Loma miasoy nga aduna silay programa paghatag og free blood testing ug sukad nga gisugdan ang programa napulo na ka mga mabdos ang ilang nasuta nga positibo sa HIV. (BANAT NEWS)