Unsay sagad nimong buhaton first thing in the morning?

CEBU, Philippines - Sa di pa ka mopadayon og basa ini, hunahunaa kono una kun mag-unsa ka inigmata gyud nimo sayo sa buntag, o sa dili pa ka mamahaw. Usually gud, ato lang ning gi-take for granted, kaylagi, ordinary na kaayo ang buntag … routinary na kaayo.

Dili na man gani ta mo-greet og “good morning” ngadto sa atong asawa o bana sama sa atong pag-greet sa manag-uyab pa.  Apan alang sa uban, sumala ni Mons Romulo sa Philippine Star, sa iyang kinutlo gikan ni Fain Blake:  “Morning is the time when you set the tone for the rest of the day. Set it right “ Sa ato pa, ang tibuok nimong adlaw mag-agad sa imong pagpangandam, o kun unsa ang imong gilaraw sa buntag.  Mao sad ni ang giingon nga “the only difference between a good day and a bad day is your attitude. Kun unsa ang imong attitude sa buntag, mao na ni ang mahitabo sa imong adlaw. Bisag mosilang ang adlaw, nagdag-um ang kalibutan alang kanimo.

Anyway, matud ni Mons Romulo sa iyang column, ang iyang buntag routinary kaayo. Mora siya’g robot. Inigmata gyud niya, sa di pa mobangon, magdalidali siya’g pangadye, dayon sa inadlaw niyang gimbuhaton. Apan, at the end of the day, she gets exhausted, ug kahaw-ang sa iyang kasingkasing.

Mao kini siya pila na ka tuig hangtud iyang na-meet si Sister Bubbles Bandojo sa Cenacle Sisters, kinsa mipaambit kaniya sa iyang ritual mabuntag: Modagkut og kandela sulod sa iyang lawak, mangadye pasalamat ug itanyag  ngadto sa Ginoo ang mosunod nga mga takna sa tibuok adlaw.  Lisud no? Ania si Mons: “I never thought I would be able to do it, being a very hyper person, and keeping still even for a few minutes of prayer was hard to do.” Bitaw lisud sundon ang morning ritual sa madre. Makalangan sa atong gimbuhaton, labi na karong panahona nga pirme tang gadali (ambut unsa say atong dalian).

Padayon ni Mons: “But surprisingly after a few days of meditating and  praying, I found myself happy, waking up every morning, going to the altar in our family room, lighting a candle, and communicating and listening to our Lord.

“It has been a wonderful experience since then, giving my mornings, my days and my life immense joy and happiness! Starting our morning right will never fail to make our day as close to perfect as can be.”

Busy na kaayo ang kalibutan, ug waa nay labut ang Ginoo sa atong kinabuhi. Apan, in the case ni Mons, mao pay iyang pagkakaplag sa tiunay nga kalipay sa iya nang pagpamalandong, pagpaminaw ug pagpakighinabi uban sa Ginoo.  Sa iyang bahin, si Senador Loren Legarda nagkanayon: “I thank the Lord for the day, whether it’s sunny or raining. I thank him for a good night’s sleep and for being awake and pray for my loved ones. Waking up each day is a miracle itself.”

Kun buot hunahunaon mahinungdanon kaayo ang buntag.  Let’s start the morning right.  Ug sama ni Mons, ma-right ang atong morning pinaagi sa pagpamalandong ug pag-ampo, aron  matunhay ug matarong ang atong adlaw. Ikaw, mag-unsa ka man, first thing in the morning? (BANAT NEWS)