DepEd andam sa klase sa naigo sa Yolanda
CEBU, Philippines - Gipasalig sa Department of Education nga dunay igong classrooms alang sa mga tinun-an sa elementarya ug high school atol sa pagbukas sa klase karong Hunyo sa mga lugar nga naigo sa bagyong Yolanda.
Gipahibawo ni Dr. Arden Monisit, provincial schools division superintendent sa Sugbo, nga magsugod sila sa Brigada Eskwela sa isla sa Bantayan nga grabeng naapektuhan sa bagyo.
Nunot niini giawhag sa DepEd ang mga nagkalain-laing sektor lakip na sa mga ginikanan, barangay officials ug uban pa nga mosalmot sa Brigada Eskwela tungod kay trabaho sa tanan ang pagpreparar sa mga tunghaan.
Matud ni Monisit nga pipila ka semana human sa bagyo, nahibalik sa normal ang klase diin 98 porsiyento ang attendance sa mga tinun-an.
Posibli usab nga ang pagbukas sa klase karong Hunyo normal usab sa mga dapit nga naapektohan sa bagyo. Gipahigayun na sa DepEd ang sayong pagpanglista sa mga tinun-an nga molungtad hangtud sa unang semana sa Hunyo.
Matud pa ni Monisit nga dako og tabang ang early enrolment aron maandam ang mga pasilidad nga gikinahanglan sama sa mga lingkuranan.
“Kung dunay mga late enrollees dunay dakong posibilidad nga wa na silay bangko, magsakripisyo gyud sila og dala ilahang bangko, wala na silay libro, masakripsyo gyud sila pagpangita og ka share-ran,†matud ni Monisit. (BANAT NEWS)
- Latest
