Babayeng pusher nasikop
CEBU, Philippines - Nasikop ang usa ka babaye nga giingong level 2 drug pusher sa Barangay San Roque-Ciudad, dakbayan sa Sugbo niadtong Sabado sa gabii.
Giila ang dinakpan nga si Marilyn Oral Magallano, 34, nagpuyo sa maong lugar, samtang sikop sab ang iyang runner nga si Christopher Arrogante, 37, nga taga Warwick Barracks, Ermita.
Ang City Intelligence Branch (CIB), City Anti-Illegal Drugs Special Operation Task Force ug Philippine Drug Enforcement Agency-7 ang mihimo sa operasyon human ilang namonitor ang kalihukan ni Magallano.
Nakuha atol sa buy-bust operation ang walo ka medium size nga bulto sa shabu nga aduna’y kantidad nga P25 mil matag putos, ug ang P5,200 nga gituohang halin sa ilegal nga negosyo.
Matod sa hepe sa CIB, C/Insp. Romeo Santander, nga ang maong babayeng drug pusher sakop sa usa ka organisado nga drugs group, diin siya ang nahimo nga huloganan sa drugas sa grupo.
“Kana si Marilyn, gikan pa na siya sa Warwick Barracks nagbaligya, pag-demolish sa ilaha, diha na nibalhin. Membro na siya sa usa ka grupo, pero dili pa lang kaayo tunog iyang pangalan,†matud ni Santander. Matud ni Santander ang maong dinakpan makabaligya og kapin 100 gramos nga shabu matag semana. (BANAT NEWS)
- Latest
