Brgy workers sa Talisay may cash incentives

CEBU, Philippines -  Mga Barangay Health Worker (BHW), Barangay Nutrition Scholar (BNS), Barangay Day Care Worker (BDCW) ug mga tanod sa dakbayan sa Talisay gihatagan og cash incentives sa kagamhanan sa probinsiya niadtong Martes.

Ang kalihukan gipahigayon diha sa sports complex sa Barangay Tabunok kinsa si Bise Mayor Agnes Magpale ug Bokal Celestino Martinez, III, presidente sa Association of Barangay Council ang nangulo sa pagpanghatag sa cash incentives. Si Mayor Johnny De los Reyes mitambong usab sa maong kalihukan.

Ang mga BHW, BNS, BDCW nakadawat og P2,400 nga cash incentives matag usa samtang ang mga tanod nakadawat og tag P1,500.

Mikabat ngadto sa 753 ang mga kawani sa barangay nga nakadawat og incentive. Ang kagamhanan sa siyudad mapasalamaton sa maong kalihukan sa kagamhanan sa probinsiya.  (BANAT NEWS)