Gabii sa Kabilin mas daku karon
CEBU, Philippines - Mas daku ang ikawalo nga pagsaulog sa Gabii Sa Kabilin karong tuiga tungod sa mas daghang museums nga moapil gikan sa mga dakbayan sa Sugbo, Mandaue, Talisay ug Lapu-Lapu.
Ang tema karong tuiga, “Rise of The Queen,†tungod kay gitawag man ang dakbayan sa Sugbo og Queen City of the South nga puno sa mga kabilin nga karaan.
Matud sa usa sa tigpasiugda, Dr. Jocelyn Gera, nga niadtong 2007 gitun-an ang kalihukan nga sa dakbayan sa Sugbo lang nahitabo sa tibouk Asya.
Ang GSK saulugon karong katapusang Biyernes sa Mayo gikan alas 6 sa gabii hangtud alas 12 sa tungang gabii. Ang tiket mapalit sa tag P150 sa bisan asa nga partisipante nga mga museum.
Inabagan sa mga tanod sa matag barangay ug kapulisan sa dakbayan, gipanghinaut ni Gera nga hapsay ug malinawun ang pagsaulog sa GSK karong tuiga. (/GMR)(BANAT NEWS)
- Latest
