Nagmotorsiklo gipusil, usa patay

CEBU, Philippines - Usa ang patay ug usa ang samaran sa pagpamusil nga nahitabo sa Hayunan, Jampang, Argao niadtong Huwebes sa gabii.

Ang mga biktima giila nga sila si Ronald Gimena ug Gleanmer Lucero, pulos taga Poblacion, Argao.

Matud ni PO3 Benjamin Verozaga, desk officer sa Argao Police Station, nga ang mga biktima samtang nagsakay og motorsiklo padulong sa Eco-Tourism Park sa maong lungsod, gipusil sa tulo ka mga       tawo.

Ang mga suspek nailhan nga sila si Fat Fernandez, John Vie Arbukadora ug usa ka wala pa mailhi.

Patay na nga nadangat sa tambalanan si Gimena samtang samdan si Lucero.

Ang kapolisan nisusi pa sa motibo sa nahitabong krimen. (/GMR)(BANAT NEWS)